pag sumumpa ka hanggang kamatayan, panindigan
tulad ng pagsumpa ng katapatan sa kilusan
"salita'y panunumpa," ayon nga sa Katipunan
doon sa Kartilyang umugit sa puso't isipan
higit dalawa't kalahating dekada na ako
na niyakap ang bisyon, misyon, adhika't prinsipyo
ng pagkakapantay nitong mga tao sa mundo
walang mayaman o dukha, lipunang makatao
hangarin ay lipunang walang pagsasamantala
ng tao sa tao, nang may panlipunang hustisya
di lang pulos rali pag sinabing pakikibaka
kundi lumulutas din ng samutsaring problema
halina't lipunang makatao'y ating itayo
panghabambuhay na pangarap na di maglalaho
na mula sa kahirapan, uring dukha'y mahango
at maisakatuparan ang lipunang pangako
ito ang sinumpaang tungkuling dapat maganap
na sama-samang itayo ang lipunang pangarap
tutuparin ang layunin gaano man kahirap
hanggang ginhawang pangarap ng bayan ay malasap
- gregbituinjr.
Mag-subscribe sa:
I-post ang Mga Komento (Atom)
Nasisilaw sa ilaw
NASISILAW SA ILAW nagtakip si alaga ng kamay habang natutulog ng mahimbing marahil nasisilaw sa ilaw kaya kamay ay ipinantabing mamaya, ako...
-
PAGPUPUGAY SA PANDAIGDIGANG ARAW NG MGA KATUTUBO (International Day of the World's Indigenous Peoples) katutubo'y kilanl... -
MINSAN, SA ISANG DEMOLISYON Maikling kwento ni Greg Bituin Jr. Nakatunganga siya sa kawalan. Dumating siyang giba na ang kanilang t... -
MAPULANG HASANG namumula ang hasang, kapara'y sariwang isda na sa anupamang sagupaan ay laging handa tila bakal ang kaliskis nilang naka...
Walang komento:
Mag-post ng isang Komento