MULI, SA AKING DIWATA
di kayang mabahiran ng lumbay
pagkat laging matimbang ang pakay
habang kasama ang mutyang tunay
iwing pusong ito'y matiwasay
halakhak niya'y kaysarap dinggin
ay, siyang tunay, kaypalad ko rin
tila diwata sa papawirin
na hinahabol lagi ng tingin
malayo man siya'y anong lapit
habang nariritong nakapikit
lalo't palad nami'y magkadikit
diwata ko'y sadyang anong rikit
sa problema'y di nagpapadaig
pagkat solusyon ang nananaig
hangga't ang puso ko'y pumipintig
naririto akong umiibig
- gregoriovbituinjr.
04.07.2021 (World Health Day)
Walang komento:
Mag-post ng isang Komento