HASAIN ANG ISIP
di man madalumat ang sumusong alalahanin
ay patuloy na sinasalsal ang bawat isipin
sa matematika'y nasasagot ang suliranin
tulad ng nakaambang kagipitang lulutasin
ngunit may panahon pa ring sanayin ang isipan
magbasa-basa ng samutsaring isyu ng bayan
saliksikin at alamin ang bawat kasaysayan
magsagot ng sudoku't iba pang palaisipan
harapin ang mga problemang di natutulala
tulad ng chess, may sulong na mahahanap ding sadya
at makakarating din tayo sa sagot na tama
habang binabasa natin ang samutsaring paksa
dahil di dapat mabuhay na laging nakalugmok
na nangyayari'y tinatanggap lang at nilulunok
dapat pa ring pairalin ang tiyaga't tumutok
upang lutasin ang problemang di agad matumbok
- gregoriovbituinjr.
08.10.2021
Martes, Agosto 10, 2021
Mag-subscribe sa:
I-post ang Mga Komento (Atom)
Sino ang mabuting tao?
SINO ANG MABUTING TAO? yaon bang pagiging mabuting tao ay parang mabuting Samaritano? tulad ba ng sabi ni Mayor Vico? di tulad ng mga salbah...

-
PAGPUPUGAY SA PANDAIGDIGANG ARAW NG MGA KATUTUBO (International Day of the World's Indigenous Peoples) katutubo'y kilanl...
-
ANG SINING NG DIGMA may aklat akong Art of War ni Sun Tzu pati Book of Five Rings ni Miyamoto Musashi, ang On War in Karl Von Clauswit...
-
SA BANTAYOG doon sa Bantayog ay nagtungo kami ni misis sa sinasabing Independence Day ng bayang amis doon kami nagdeyt, animo'y asukal s...
Walang komento:
Mag-post ng isang Komento