PAGLINGAP
nakangiti ang pangarap
lumulukso sa hinagap
kapag humigpit ang yakap
umiigting ang paglingap
anong ganda ng panahong
sa amin ay sumalubong
handang harapin ang hamong
di maiwasang masuong
salamat sa bawat ngiti
lagi sanang manatili
pagsinta, adhika't mithi
manatili sanang lagi
kung paglingap ay malusog
ay dahil nga sa pag-irog
habang mundo'y umiinog
rosas ka, ako'y bubuyog
- gregoriovbituinjr.
10.29.2021
Walang komento:
Mag-post ng isang Komento