tara, tayo'y tumula
ng samutsaring paksa
at doon isadula
ang buhay nating sadya
ikwentong pataludtod
ang bawat nating pagod
pawis, sikap at kayod
pati mababang sahod
isalaysay sa saknong
ang pasyang urong-sulong
tulad ng chess at gulong
plano'y saan hahantong
bilangin man ang pantig
na isinasatinig
dapat nating mausig
ang mga manlulupig
tula ang buhay natin
kathain ang paksain
anong isyu't usapin
sa madla'y bibigkasin
- gregoriovbituinjr.
03.29.2022
* litratong kuha noong World Poetry Day
Walang komento:
Mag-post ng isang Komento