tatlong mali ka lang, wala ka na!
tiyak na balik ka sa umpisa
ramdam mong naupos ka talaga
sayang kung Streak One Sixty ka na
kaya paglalaro'y ingatan mo
lalo't nilalaro mo'y Sudoku
bagamat ito'y pulos numero
nilalaro'y lohikang totoo
sa walumpu't isang parisukat
siyam na numero'y ilaladlad
bawat linya'y walang magkatulad
pag may pareho'y mali ka agad
pababa, pahalang, o pahilis
numero'y ilagay ng malinis
orasan gaano ka kabilis
Sudoku'y lutasing walang mintis
- gregoriovbituinjr.
06.27.2022
Walang komento:
Mag-post ng isang Komento