SAHOD ITAAS, PRESYO IBABA!
kaytagal na ng panawagan
ng manggagawa't mamamayan
sa kapitalistang lipunan
ngunit sila ba'y pinakinggan?
Sahod Itaas! Presyo Ibaba!
ngunit may napala ba tayo
sa animo'y binging gobyerno
minsan lang tumaas ang sweldo
nang pinaglaban ng obrero
Sahod Itaas! Presyo Ibaba!
presyo ng bigas ba'y bumaba
o pagtaas ay mas higit nga
gasolina nga ba'y bumaba
o sirit ng presyo'y palala
Sahod Itaas! Presyo Ibaba!
ang matupad ito'y kailan?
dinggin kaya ang kahilingan?
ngunit tayo'y magpatuloy lang
may nagagawa ang paglaban!
- gregoriovbituinjr.
11.27.2022
Walang komento:
Mag-post ng isang Komento