ALMUSAL
tara nang kumain, kaibigan
ako naman ay iyong saluhan
at mainit-init pa sa tiyan
tarang kumain bago umalis
patungo sa papasukang opis
mahirap nang sa gutom magtiis
gaano man kasimple ang ulam
sa gutom nama'y nakakaparam
at sikmura'y di basta kakalam
pagkaing karaniwan at payak
nang di naman gumapang sa lusak
pag nabusog pa'y iindak-indak
huwag magpakagutom - ang payo
nang di makadama ng siphayo
- gregoriovbituinjr.
02.08.2023
Walang komento:
Mag-post ng isang Komento