MADALING ARAW
di pa nagmamadali ang araw
sa pagsikat habang naninilay
ng makatang may biglang lilitaw
na mutyang bantog sa gandang taglay
tila siya naalimpungatan
habang ang mga mata'y malamlam
alalahani'y di matanganan
pagluha'y kailan mapaparam
karakaraka siyang bumangon
upang kaharapin ang paghilom
ng mga sugat niyang naipon
habang bibig at kamao'y tikom
nais niyang pumiglas, magwala
habang damdamin ay hinihiwa
ng balaraw ng laksang gunita
umaasa pa ring makalaya
- gregoriovbituinjr.
12.09.2023
Walang komento:
Mag-post ng isang Komento