ANG SIPNAYANON
It is impossible to be a mathematician without being a poet in soul. ~ Sophia Kovalevskaya
imposible raw maging sipnayanon
pag di ka isang makata sa diwa
kaylalim ng pananalitang iyon
pag sipnayanon ka'y nagmamakata
iyang sipnayan o matematika
ay para ring tulang may tugma't sukat
batid mo ano ang geometriya
at trigonometriya ng pagsulat
kung maging sipnayanon ang nais mo
pagkamakata mo'y di maglalaho
lalo't batid ang padron ng numero
sipnayan sa diwa, tula sa puso
mabuhay ka, sipnayanon, mabuhay!
makata kang wala sa toreng garing
sa sipnayan ikaw magpakahusay
at sa pananaludtod ay titining
- gregoriovbituinjr.
05.28.2024
* sipnayanon - mathematician; sipnayan - mathematics
Walang komento:
Mag-post ng isang Komento