MAKAKALIKASANG SUPOT NG BOTIKA
bumili ako ng bitamina
doon sa Mercury Drug kanina
supot na papel nila'y kayganda
at may tatak pang-ekolohiya
magandang paalala sa atin
upang mga itatapon natin
plastik man iyon o papel man din
ay sa maayos natin dadalhin
Reduce, Reuse, Recycle ang tatak
paalala itong munti't payak
na dapat namang maging palasak
nang basura'y di magtambak-tambak
salamat at may abisong ganyan
na talagang pangkapaligiran
na sana'y sundin ng mamamayan
para rin sa ating kabutihan
- gregoriovbituinjr.
11.03.2024
Walang komento:
Mag-post ng isang Komento