OKRA DYUS
naglaga ako ng okra
bente pesos ang halaga
dalawang tali lang naman
na sampung okra ang laman
sabi'y tunggain ko lang daw
ang pinaglagaang sabaw
inumin iyong parang dyus
nang lumusog akong lubos
inilagay ko sa baso
sa sang-iglap tinungga ko
anong bilis kong nilunok
sinaid sa isang lagok
naisip kong tamang landas
katawan ay mapalakas
okra naman ay inulam
ko kaninang mag-agahan
- gregoriovbituinjr.
12.15.2024
Walang komento:
Mag-post ng isang Komento