PAGPAPATULOY
magbasa ng aklat
na aking nabili
ng nakaraan lang
ang nakahiligan
pagbabasa'y bisyo
ng makatang taring
dito ko natanto
dapat nang gumising
matutong lumaban
tulad ng bayani
nitong kasaysayan
ng bayang naapi
kaya nakibaka
ang makatang tibak
doon sa kalsada
kaharap ma'y parak
ngayong Bagong Taon
tuloy sa mithiin
gagampan sa layon
sistema'y baguhin
- gregoriovbituinjr.
01.02.2025
Walang komento:
Mag-post ng isang Komento