TULA'Y TULAY
tula'y tulay ko sa manggagawa
tulang kinatha ukol sa dukha
tula upang umugnay sa madla
kaya naritong nagmamakata
dito natagpuan ang pag-ibig
taludtod at saknong ang kaniig
kinatha'y nilupak at pinipig
kahit nakatihaya sa banig
tahakin ma'y pitong kabundukan
maging madawag na kagubatan
nasa lansangan man o piitan
kakatha't kakatha pa rin naman
tula'y aking tulay sa daigdig
bibigyang boses ang walang tinig
kuhila't burgesya'y inuusig
na hustisya ang pinandidilig
- gregoriovbituinjr.
02.12.2025
Walang komento:
Mag-post ng isang Komento