MGA PAALALA NI MISIS
bago mawala si misis ay
kayrami niyang paalala:
"Huwag kang magpupuyat"
"Kumain ng tama sa oras"
"Laging inumin ang vitamins"
"Huwag magpatuyo ng pawis"
"Huwag laging nasa initan"
"Huwag magpagabi"
"Alagaan ang sarili"
"Laging mag-iingat"
bilin niya'y mapagmahal
na nais kong sundin naman
at lagi kong tatandaan
maraming salamat, mahal
sa munti mong paalala
lagi mo ring tatandaan
lagi ka sa puso't diwa
at mahal na mahal kita
- gregoriovbituinjr.
06.17.2025
Walang komento:
Mag-post ng isang Komento