NAKATAGONG KATOTOHANAN
kayraming katotohanan ang nakatago
katotohanang iwinaksi't pinaglaho
kumbaga malinaw na sapa'y pinalabo
ng basura ng kasakimang di mahinto
di lang hinggil sa nawawalang sabungero
kundi pati winalang desaparesido
kundi pati walang salang nakalaboso
pati nilait na karapatang pantao
paano ba patuloy na ipaglalaban
ang katotohanan para sa kagalingan
ng dukha, obrero, bata, kababaihan
upang kamtin ang asam na katotohanan
talaga bang pangit ang kasinungalingan?
talaga bang masakit ang katotohanan?
tungong kapanatagan ng puso't isipan
halina't hagilapin ang katotohanan
- gregoriovbituinjr.
07.03.2025
* litrato mula sa headline ng pahayagang Tempo, Hunyo 3, 2025
Walang komento:
Mag-post ng isang Komento