BALITANG WELGA
panig ba ng unyon ay naibulgar?
o ng manedsment lang sa dyaryong Bulgar?
nabayaran kaya ang pahayagan?
upang nagwelgang unyon ay siraan?
nang ako'y naging manggagawa dati
pabrikang KAWASAKI ay katabi
ng pabrikang noo'y pinasukan ko
doon sa Alabang, pabrikang PECCO
kaya ang laban ng kanilang unyon
sa kalooban ko'y malapit iyon
sa tarangkahan nga ng Kawasaki
papasok upang magtrabaho kami
nawa ang panig din ng nagwewelga
sa Bulgar ay maibalita sana
di lang ang panig ng nagnenegosyo
kundi't higit ang panig ng obrero
- gregoriovbituinjr.
08.06.2025
* ulat mula sa pahayagang Bulgar, Agosto 6, 2025, pahina 2
* PECCO - Precision Engineered Components Corporation
Walang komento:
Mag-post ng isang Komento