‎O, mga makata

‎O, MGA MAKATA

‎

‎O, mga makata, ako'y nagpupugay

‎sa inyo sapagkat sadyang kayhuhusay!

‎Katha'y tila bigas na mula sa palay

‎na kung isasaing, kaysarap na tunay!

‎

‎Bilang manunula, sabi kong malimit:

‎ang salitang "pero'y" di ko ginagamit,

‎pagkat may katumbas sa wikang kaylapit,

‎iyan ang "datapwat", " ngunit" at "subalit".

‎

‎Sa tula ko'y walang Superman o Darna

‎kundi sambayanan, walang isang bida!

‎Kolektibong kilos, bayani ang masa!

‎Nagtagumpay pagkat sila'y sama-sama!

‎

‎O, mga makata, mabuhay po kayo!

‎Pinagpupugayan kayong taasnoo!

‎

‎- gregoriovbituinjr.

‎09.09.2026

‎

‎* litrato mula sa larong Word Master