lugi ang negosyo, ito ang laging bukambibig
ng mga kapitalistang animo'y masigasig
matiyagang durugin ang obrerong kapitbisig
at masipag posasan ang sa manggagawang tinig
lugi raw ang negosyo, di dahil lugi talaga
kundi di naabot ang tubong nasa plano nila
kung dalawampung milyong pisong tubo'y plano nila
lugi na kahit sampung milyong piso ang kinita
ang pinapakita ng kapitalista sa unyon
huwag magtaas ng sahod, pagkat di pa panahon
pangangatwiran ng kapitalista'y nakakahon
dahil magsasara raw ang kumpanya pag naglaon
kaya mumo lang kung sweldo ng obrero'y itaas
barya lang bawat araw dahil ito raw ang patas
ngunit para sa unyon, katwiran nito'y gasgas
magkaiba kasing uri't iba ang nilalandas
para sa kapitalista, pangunahin ang tubo
at gastos lang ang manggagawa, nakapanlulumo
di pantay na lagay sa pabrika'y dapat maglaho
at obrero sa adhika'y magtagumpay ng buo
- gregbituinjr.
Mag-subscribe sa:
I-post ang Mga Komento (Atom)
Paalala sa publiko
PAALALA SA PUBLIKO palasak ang No ID, No Entry saanmang tanggapan o gusali n'ung pandemya, No Facemask, No Entry sa opis, mall, ...
-
THE ARTISTRY AND ACTIVISM IN ME when painter Marcel Duchamp died that was the day I was born when massacre of students in Tlatelolco, Me... -
DELIRYO hinihibik pa rin niring puso ang buhay ng sinta'y di naglaho subalit ako na'y iginupo ng nangyari't ako'y lugong-lug... -
ANTOK dumidila ang antok sa talukap niring mata ngunit niyayakag akong muli ng sintang musa upang maglimayon, maglakad-lakad sa kalsada sa i...
Walang komento:
Mag-post ng isang Komento